قلم الشاعره
رباب فوزى
يكتب
قول يارب
سألنى خلف واد عمى
ليه يا اخوى كدة
على طول شايفك حزين
وايه تساوى الدنيا
دى العمر فيه قصير
وليه تشيل الهم وانت لسه صغير
رديت وقولت لخلف
مش على حالى حزين
همى على حال البلد ده وطنى الغالى
من ضرب وخراب ودم وقتل للغالين
وكأن القاتل ماهو بشر
لاه واللى اوعر من كدة يقتل بأسم الدين
والدين برىء من عملته
ماهو دينا دين السماحة والحب والسلام
ده حتى باين من اسمه ماهو اسمه الاسلام
زعق خلف واد عمى وصرخ بصوت عالى
وفين يروح من ربنا اللى بيقتل اخوه
دى الروح غالية اوى ما ياخدها غير الله
واللى بيقتل برىء مسيرة يوم ينقتل
ما قالهاعزيز مقتدر
كما تدين تدان
رديت وقولت لخلف لامتى هذا الحال
وامتى راح ينصلح حال الفقير غالبان
بكى خلف واد عمى وقال سبها على الرحمن
قادر فى غمضة عين يصلح الاحوال
بس انت قول يارب وراح ينصلح الحال
0 التعليقات