كلمات واشعار
احمد حلمى
على كفوفى يابلادى
على كفوفى
دموعى بتحكى
عن خوفى
من اللى جاى
ومن بكره
من اللى حب
ولا يكره
من اللى مات
صريع الحلم
وباع عمره
ورا فكره
من اللى اختار
سنين الياس
لجل ماضى
من ذكرى
ومن متغرب
احتاجك
ووقت الشده
ما سابك
لاحضانك
تركتيه
وبرده ما عابك
ومن حكاياتى
في صبايا
على نيلك
ومرسايا
وعلى لمه
حوارينا
نقوش محفوره
جوايا
وفرحه ناس في
ليله عيد
تجمع القريب
واللى
ترك بلده
لشغل بعيد
لكل صوره
من بلدى
وبددها عبث غيرى
لكل اخلاقنا
وقيمنا
واجمل حاجه
في أيامنا
خطفها الماضى
مع طيرى
ولسه دموعى
ما نشفت
ولسه قصايدى
ما وقفت
ولسه باقى
على ماضى
وصاير احكى
عن عشقك
يا بلدى لجل ما
تصيرى
على اجمل ما فيكى
زمان
على اللى كان
وبالامكان
تكونى خيره
الأوطان
0 التعليقات