شعر
عبدالمجيد سلطان
أنا الغريب
مستغرب ليه
ومنش قريب
تعرف ليه
عشان عنيد
يقلو بيه
وإيه المانع
يسبو فيه
وأنا سامع
مفيش جديد
أنا الغريب
وسط الصحبه واللمه
أنا الغريب
وسط الخاله والعمه
أنا الضحكه المغشوشه
وأنا الإيد المرعوشه
أنا الجدع إل ملاه الخوف
وإل دمع العين دواه
وبقى ليه موصوف
أنا كل حاجه والعكس
أنا الصح وأنا الهلس
أنا إل تايه وسط الدنيا
وبعيب ع الناس والعيبه فيه
رامى نفسى بدوامه
ويوم القيامه بنتله علامه
بضحك فى وش الناس العكره
عندى أمل بس مش لاقيله بكره
متعلمتش الصبر
ومعنديش نعمة النسيان
علمونى أكتب بالحبر
ورمونى فى غربه بلا عنوان
مبقاش ليه فيها حبيب
عاش غريب ومات غريب
أنا الغريب
0 التعليقات