الشاعر مصطفى معوض
صوت الرصاص
وشوش ولا الالوان ورجال مع نسوان
والحلوه بالفستان حالفه لتتمرجح
وتقول يابابا عشان خطرى انا اتمرجح
الاب يمشى هناك وهى بترجاج
نفسى انا اتمرجح يابابا انا وياك
الاب شاف البنت بتلح فيه وتشد
فقلبه منه فط
وقال هتتمرجح
سعاده سايده الكون وصمت بين الناس
وف وسط لحظه سكون ولا نسمع الا رصاص
رصاص رصاص رصاص
طلقه تيجى خاينه من ناس بلا احساس
تيجى فى صدر البنيه
فين البشر ياناس
الاب يجرى عليها يصرخ يقول بنتى
ويبص جوه عنيها ويشوف دموع تجرى
يصرخ ينادى يقول ماليكى فى الارهاب
ياقلبى اللى راح منى ياعمر عدا وداب
الدم سايل منك
سايل من غير حساب
ياكل حياتى انتى ياقرب الاحباب
تعالو بصوا ياناس شوفو هنا بنتى
فى طريقى دى شمسى وفى بحرى دى سفينتى
ااهو هو ده الارهاب عمره ماكان اسلام
يقتل اطفال بريئه ولا عنده حاجه حراام
بنتى خلاص ماتت راحت لرب الكون
ودول حرموا الاسلام وحللوا الاجرام
0 التعليقات