كلمات الشاعر
محمد بهى
اتقابلنا صدفة بعد فراق سنين طويلة-- وفى عنينا نظرات تحدى
للزمان وأوجاعه الأليمة-- وعلى شفايفنا أبتسامة أمل تحيى حب قلوبنا البريئة --وفى داخل كل منا تساؤلات كثيرة--- تواعدنا أن نتقابل وسط الزهور والورود الجميلة------- وفى الميعاد تلاقينا بلهفه وشوق وفرحة ------قالت حبيبى ممكن تقبل منى أجمل وردة زى ما أتقابلنا أول مرة--ولا مش فاكر؟ --قلت انا فاكر كل كلمة ---كل همسة ----كل نظرة ---أقولك احنا كنا فى شهر عشرة وماشين سوا وسط الحقول والخضرة وانت زى الغزال ولابسه جلابية خضرة وفى ايديك كتاب وواقفة تحت الشجرة وقلتى بص فى عنيا قلت بمداعبة --الله عنيك خضرة-- وانتى ببرائه قلتى ازاى انا عنيا سمرة ! ومسكت ايديكى ايديا وقلت أخيرآ ضحكت الدنيا ليا وفى لحظة غدر الزمان بينا وقامت الدنيا بطواحين هواء وزعابيب من حولينا---------- قالت بجد انت فاكر كل كلمة من كلامى قلت وحياة عنيكى لسة صوتك بيرن فى ودانى ولو كنت نسيت ما كنت عشت ايامى قالت كفاية كلام فى الماضى فين الطيارة الورق اللى اتفقنا عليها شافتها فرحت اوى وقالت وانا جبت حرفين اسامينا----- والطيارة فى الهواء وحروفنا معاها بصه للسما وكأنها بتدعى ربنا يجمعنا سوا واحنا بنرقص والخيط فى ايدينا مالت عليا وقالت بهمسة جايب ايه تانى فى الشنطة؟ قلت انا جايب حاجة جديدة صدقينى مفاجأة ---علشان كل مرة بتعرفى هديتى قبل ما تشوفيها وطول السنين دى كنت بسأل نفسى أزاى كنتى بتعرفيها ضحكت ضحكة رقيقة وقالت مش انا جواك وانت بتشتريها قلت طب انا جايب حاجة عمرك ما مسكتيها قالت برده عارفه وبصراحة كان نفسى اوى فيها قلت بابتسامة يا سلالالالالام على الكياسة----- قالت برقة ودلال اقولك --------هات المصاصة صرخت من الفرحة وقلت حبيب قلبى كلك فراسة -------قالت يعنى انت نسيت !!!مش طول عمرنا انت القلم وانا الكراسة وكل حرف بتكتبة انا بفسره----- وهى دى الخلاصة----- واحنا بنتمايل اتقطع الخيط من ايدينا ومن شدة الخوف والغضب ----من قلوبنا بكينا----------- وصحيت من النوم مفزوغ وعنيا مالياها الدموع --- وبأعلى صوت كنت بصرخ-- حروووووووووف اسامينا------ وقلت --آه ---حتى فى الاحلام ضاعت امانينا بس زاد خوفى وقلقى عليها جريت على التليفون علشان أطمن عليها بصيت فى الساعة وقلت ماينفعشى اتصل بيها وانا فى شدة حيرتى على اللى جرى لينا رن التليفون برسالة رقيقة بتقولى فيها--- هو ايه اللى حصل بعد ما طارت حروف اسامينا-؟ صرخت من الفرحة وقلت --ياااااااااااااه --حتى الأحلام بنكملها لبعضينا --واحترت ----وبعد لحظة صمت ------كتبت -----رجع الواقع الأليم لينا-
0 التعليقات