بتوصوني إزاي علي أمي
كلمات
اسر فاروق
بتوصوني إزاي علي أمي
ودمها جاري جري ف دمي
شالت همي ودافعت عني
وخيرها عليا ووقفت جنبي
مين كبرني ومين علمني
مين قواني ومين فهمني
مين خلاني اكون شيء نافع
ومخلاش أحزان تهزمني
بتوصوني إزاي علي أمي
طول الوقت شايلها ف عيني
مين تاني غيرها اللي هيعنيني
لازم أشيلها وأرد جميلها
وأبوس الإيد اللي بترويني
وأدافع عنها وأشيل أحزانها
واحارب اللي خزلها وخانها
وأكون ابن وبار بأمه
وأبدل نارها لأحسن جنة
بتوصوني إزاي علي أمي
0 التعليقات